Plantun de Prouvènço

Pèr coumpara dos planto d'encò nostre

Leucanthemopsis alpina subp. alpina & Myosotis arvensis

Leucanthemopsis alpina subp. alpina

Asteraceae Compositae

Noms en français : Marguerite des Alpes, Leucanthémopsis des Alpes.

Descripcioun :
Aquesto margarido trachis dins li roucaio, lis esboudèu e li tepiero d'auto mountagno (sus la fotò "roubino" o terro negro). La flour coumpausado viro au roujo à la baso e li bratèio soun proun bourda de negre. Li fueio soun penado, mai o mens peludo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : basalo
Tipe bioulougico : Pancaro entresigna
Cicle bioulougico : Pancaro entresigna

Gènre : Leucanthemopsis
Famiho : Asteraceae
Famiho classico : Compositae

Coulour de la flour : Blanco Jauno
Petalo : >6
Ø (o loungour) flour : Pancaro entresigna
Flourido : Estiéu

Sòu : Si
Autour basso e auto : Pancaro entresigna
Aparado : Noun

Liò : Auto mountagno - Terraire safrous - Esboudèu - Roucaio
Estànci : Subaupen à Aupen
Couroulougi : Pancaro entresigna
Ref. sc. : Leucanthemopsis alpina subp. alpina (L.) Heywood, 1975

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").